1 Ահա ա ես ուղարկում եմ իմ դեսպանը, որ բ ճանապարհ պատրաստէ իմ առաջին, եւ յանկարծակի է գալու իր տաճարի մօտ այն Տէրը, որին դուք որոնում էք, եւ գ ուխտի հրեշտակը, որին դուք հաւանում էք. Ահա նա գալիս է, ասում է Զօրաց Տէրը։ 2 Եւ դ ո՞վ է նորա գալու օրը տանողը, եւ ե ո՞վ է նորա երեւալու ժամանակին կանգնողը, որովհետեւ զ նա հալեցնողի կրակին պէս է, եւ թափիչների օճառին պէս։ 3 Եւ է նա նստելու է իբրեւ արծաթ հալեցնող եւ մաքրող. Եւ մաքրելու է Ղեւիի որդկանցը եւ զտելու է նորանց ոսկիի եւ արծաթի պէս. Եւ ը նորանք կ’լինեն արդարութեամբ ընծայ մատուցանողներ Տիրոջ համար։ 4 Եւ թ ընդունելի կ’լինի Տիրոջը՝ Յուդայի եւ Երուսաղէմի ընծան. Ինչպէս վաղեմի օրերին եւ նախնի տարիներին։ 5 Եւ ես կ’մօտենամ ձեզ դատաստանի համար, եւ ես ժիր վկայ կ’լինեմ կախարդների ու շնացողների եւ ժ սուտ երդում անողների դէմ. Նաեւ վարձկանի վարձը, որբեւայրիին եւ որբին զրկողներին, եւ օտարականին ճնշողներին, որոնք ինձանից չեն վախենում, ասում է Զօրաց Տէրը։ 6 Որովհետեւ ես Տէրս ի չեմ փոփոխուիլ. լ եւ դուք, ով Յակոբի որդիք, չէք սպառուիլ։
7 խ Ձեր հայրերի օրերիցն ի վեր խոտորել էք իմ պատուէրներիցը եւ նորանց չէք պահել. ծ ետ դարձէք դէպի ինձ, եւ ես էլ կ’դառնամ դէպի ձեզ, ասում է Զօրաց Տէրը. կ բայց դուք ասում էք. Ի՞նչ բանում ետ դառնանք։ 8 Մի՞թէ մարդ Աստուած կ’խաբէ, որ դուք ինձ խաբում էք. Բայց դուք ասում էք, Ի՞նչ բանում ենք քեզ խաբում. հ տասանորդումը եւ ընծայումը։ 9 Անէծքով դուք անիծուած էք, որովհետեւ դուք ինձ խաբում էք բոլոր ազգդ։ 10 ձ Բոլոր տասանորդը տարէք ղ գանձատունը, որ իմ տանը պաշար լինի. Եւ ինձ մէկ փորձեցէք սորանով, ասում է Զօրաց Տէրը, թէ արդեօք չե՞մ բանալ ձեզ համար ճ երկնքի պատուհանները եւ մ օրհնութիւն թափել ձեզ համար՝ մինչեւ որ նորա համար տեղ չ’լինի։ 11 Եւ ես պիտի կշտամբեմ ձեզ համար յ ուտողին, որ նա չ’ապականէ ձեզ համար երկրի արդիւնքը, եւ ձեզ համար անպտուղ չ’լինի որթը այգումը, ասում է Զօրաց Տէրը։ 12 Եւ ձեզ պիտի երանեն բոլոր ազգերը, որովհետեւ դուք պիտի ն ցանկալի երկիր լինիք, ասում է Զօրաց Տէրը։ 13 շ Ձեր խօսքերը ծանր են ինձ դէմ, ասում է Տէրը. Բայց դուք ասում էք. Մենք ի՞նչ ենք խօսում քեզ դէմ։ 14 ո Դուք ասում էք. Դարտակ է Աստուծոյ ծառայելը, եւ ի՞նչ օգուտ որ մենք նորա պահպանութիւնները պահել ենք, եւ սուգով վարուեցանք Զօրաց Տիրոջ առաջին։ 15 Եւ հիմա չ մենք երանում ենք գոռոզներին, եւ բարեշէն էլ են անօրէնութիւն անողները, մինչեւ անգամ պ Աստուծուն էլ փորձում են եւ պրծնում։
16 Այն ժամանակ խօսեցին ջ Տէրից վախեցողները ռ իրար հետ, եւ Տէրը ականջ դրաւ ու լսեց, եւ ս յիշատակի գիրք գրուեցաւ նորա առաջին Տէրիցը վախեցողների համար, եւ նորա անունը պատուական համարողների համար։ 17 Եւ վ նորանք իմը կ’լինեն, ասում է Զօրաց Տէրը, այն օրը, որ ես կ’անեմ, իմ սեպհականութիւնը. Եւ տ ես նորանց կ’խնայեմ ինչպէս մի մարդ իր որդիին կ’խնայէ, որ ծառայում է իրան։ 18 Եւ ր դուք ետ կ’դառնաք եւ կ’տեսնէք արդարի ու ամբարշտի տարբերութիւնը. Աստուծոյ ծառայութիւն անողին եւ ծառայութիւն չ’անողին տարբերութիւնը։
Մաղաքիա 3